سعودی وزیر خارجہ سے ترک ہم منصب کا رابطہ، علاقائی صورتحال بارے تبادلہ خیال

سعودی وزیر خارجہ شہزادہ فیصل بن فرحان سے ترکیہ کے ہم منصب ہاکان فیدان نے ٹیلی فون پر رابطہ کیا ہے۔ عالمی میڈیا کی رپورٹ کے مطابق اس رابطے کے دوران دونوں ممالک کے درمیان دوطرفہ مشترکہ تعاون کے مزید مواقع تلاش کرنے پر بات چیت کی گئی، جبکہ دونوں وزرائے خارجہ نے علاقائی صورتحال اور سفارتی کوششوں کی حمایت کے لیے مشترکہ اقدامات پر بھی تبادلہ خیال کیا۔ دونوں وزرائے خارجہ نے زور دیا کہ ایسی مشترکہ کوششیں خلیج عرب اور بحیرہ احمر کی اہم آبی گزرگاہوں میں فریڈم آف نیویگیشن (جہاز رانی کی آزادی) اور سیکیورٹی کو یقینی بنانے سمیت خطے کے امن، سلامتی اور استحکام کو برقرار رکھنے کے لیے انتہائی معاون ثابت ہوتی ہیں۔