آبنائے ہرمز سے گزرنے والے سعودی آئل ٹینکر کو روک لیا گیا: ایرانی میڈیا

ایرانی پاسدارانِ انقلاب سے وابستہ خبر رساں ادارے ‘فارس’ نے دعویٰ کیا ہے کہ سعودی عرب کے 20 لاکھ بیرل تیل لے جانے کی گنجائش رکھنے والے آئل ٹینکر ‘سیڈر’ کو آبنائے ہرمز میں روک دیا گیا ہے۔ رپورٹ کے مطابق ٹینکر آبنائے ہرمز کے جنوبی راستے سے گزر رہا تھا کہ اسے اچانک روکا گیا، جس کے فوری بعد جہاز کا خودکار شناختی نظام (Automatic Identification System) بھی فعال ہو گیا۔ دوسری جانب برطانوی میری ٹائم ٹریڈ آپریشنز (UKMTO) نے بھی خطے میں ایک آئل ٹینکر اور عسکری فورسز کے درمیان واقعے کی اطلاع موصول ہونے کی تصدیق کی ہے، تاہم فارس نے یہ واضح نہیں کیا کہ برطانوی رپورٹ اسی سعودی ٹینکر سے متعلق ہے یا نہیں۔