سعودی ولی عہد، فرانسیسی صدر کا رابطہ، مشرق وسطیٰ کی صورتحال پر تبادلہ خیال

سعودی عرب کے ولی عہد و وزیر اعظم شہزادہ محمد بن سلمان سے فرانسیسی صدر نے ٹیلی فون پر رابطہ کیا ہے، جس کے دوران مشرقِ وسطیٰ کی موجودہ صورتحال اور علاقائی امن و امان پر تفصیلی تبادلہ خیال کیا گیا۔ مقامی میڈیا کے مطابق گفتگو کے دوران خطے میں سلامتی اور استحکام کو فروغ دینے، بحری آمدورفت (فریڈم آف نیویگیشن) کو محفوظ بنانے اور مجموعی سیکیورٹی کو یقینی بنانے کے لیے جاری کوششوں کا جائزہ لیا گیا۔ دونوں رہنماؤں نے باہمی دلچسپی کے متعدد علاقائی اور بین الاقوامی امور کا احاطہ کرنے کے ساتھ ساتھ سعودی عرب اور فرانس کے درمیان دوطرفہ تعلقات اور مختلف شعبوں میں مشترکہ تعاون کو مزید وسعت دینے کے طریقوں پر اتفاق کیا۔