سعودی آرامکو کا ایشیائی ممالک کو تیل فراہم کرنے کا نیا منصوبہ

سعودی عرب کی سرکاری تیل کمپنی ‘سعودی آرامکو’ نے آبنائے ہرمز میں جاری شدید کشیدگی اور بحری آمدورفت میں درپیش رکاوٹوں کے پیشِ نظر اپنے ایشیائی خریداروں کو متبادل راستوں سے خام تیل فراہم کرنے کی پیشکش کی ہے۔ برطانوی خبر رساں ایجنسی کے مطابق آرامکو بعض ایشیائی ریفائنریوں سے نجی مذاکرات کر رہی ہے، جس کے تحت ‘عرب میڈیم’ اور ‘عرب ہیوی’ خام تیل متحدہ عرب امارات کی بندرگاہ فجیرہ کے قریب سمندر میں ‘جہاز سے جہاز’ (Ship-to-Ship Transfer) منتقلی کے ذریعے فراہم کیا جائے گا۔

ستمبر میں لوڈ ہونے والے اس تیل کی فراہمی کا مقصد آبنائے ہرمز کے پرخطرسندھ کے راستوں سے بچ کر ایشیائی منڈیوں، بالخصوص بھارت، تک سپلائی کا تسلسل برقرار رکھنا ہے۔ سیکیورٹی خدشات کی بنا پر متعدد عالمی شپنگ کمپنیاں اس خطے سے سفر سے گریز کر رہی ہیں۔ آرامکو پہلے ہی بحیرہ احمر کی بندرگاہ ‘ینبع’ اور مصر کی بحیرہ روم میں واقع بندرگاہ ‘سیدی کریر’ کے ذریعے تیل برآمد کرنے کی پیشکش کر چکی ہے، جبکہ متحدہ عرب امارات نے بھی خلیج کے اندر سے تیل باہر منتقل کر کے اپنی برآمدات جاری رکھی ہوئی ہیں۔