سعودیہ نے مشرقی علاقے میں تیل تنصیبات پر ڈرون حملہ ناکام بنا دیا

سعودی عرب کے مشرقی علاقے میں واقع تیل کی تنصیبات پر ڈرون حملہ ناکام بنا دیا گیا ہے۔ سعودی وزارت دفاع نے دعویٰ کیا ہے کہ عراق کی سمت سے داغے گئے متعدد ڈرونز کو ہدف تک پہنچنے سے پہلے ہی فضائی دفاعی نظام نے تباہ کر دیا۔ اس بروقت کارروائی کے نتیجے میں کسی بھی قسم کا جانی یا مالی نقصان نہیں ہوا۔

سعودی وزارتِ دفاع کے ترجمان بریگیڈیئر جنرل ترکی المالکی نے اپنے بیان میں کہا کہ اس حملے میں ایران سے وابستہ گروہ ملوث ہیں۔ انہوں نے واضح کیا کہ سعودی عرب کو اپنے دفاع، خودمختاری اور قومی وسائل کے تحفظ کا مکمل حق حاصل ہے، اور مملکت اس جارحیت کا مناسب وقت اور مقام پر جواب دینے کا حق محفوظ رکھتی ہے۔