سعودیہ کا ملٹی پل عمرہ ویز متعارف، قیام کی انتہائی حد 90 روز مقرر

سعودی عرب کی وزارتِ حج و عمرہ نے زائرین کے لیے ’ملٹی پل عمرہ ویزہ‘ متعارف کروانے کا اعلان کیا ہے، جس کی میعاد اجرا کے وقت سے 365 دن (ایک سال) ہوگی اور اس دوران ایک وقت میں قیام کی انتہائی حد 90 دن مقرر کی گئی ہے۔ یہ اقدام وژن 2030 کے اہداف کے تحت زائرین کی آمد کو آسان اور خدمات کو بہتر بنانے کے لیے اٹھایا گیا ہے۔ ویزے کے ضوابط کے مطابق ویزہ ہولڈرز کو حج سیزن (یکم ذی القعدہ سے 13 ذی الحجہ) کے دوران مملکت میں داخلے کی اجازت نہیں ہوگی۔ ویزے کی درخواست ’نسک پورٹل‘ پر رجسٹرڈ کمپنیوں سے پیکیج کنفرم کرنے سے مشروط ہے، جبکہ ویزہ ہولڈر کے پاکستان یا اپنے ملک واپس لوٹنے پر ویزہ عارضی طور پر معطل ہو جائے گا جسے نیا پیکیج خرید کر دوبارہ فعال کیا جا سکے گا۔