سعودی عرب کی کویت، بحرین اور اردن پر ایرانی حملوں کی سخت مذمت

مملکتِ سعودی عرب نے بحرین، کویت اور اردن کے خلاف ایران کی جانب سے کیے جانے والے حالیہ فوجی حملوں کی سخت ترین الفاظ میں مذمت کی ہے۔ سعودی وزارتِ خارجہ کی جانب سے جاری کردہ ایک اہم اور باضابطہ سفارتی بیان میں واشنگٹن اور تہران کے مابین بڑھتی کشیدگی کے تناظر میں کہا گیا ہے کہ سعودی عرب ان حملوں کے خلاف برادر ممالک بحرین، کویت اور اردن کی سلامتی، خودمختاری اور ان کی جانب سے کیے جانے والے تمام دفاعی و حفاظتی اقدامات کی مکمل اور غیر مشروط حمایت کرتا ہے۔

سعودی وزارتِ خارجہ کا اپنے بیان میں مزید کہنا تھا کہ ایران کے یہ حالیہ حملے بین الاقوامی قوانین، مسلمہ عالمی ضابطوں اور اچھے ہمسائیگی کے بنیادی اصولوں کی کھلی اور سنگین خلاف ورزی ہیں، جس سے خطے کا امن شدید خطرے میں پڑ گیا ہے۔