حوثیوں نے کمزور بہانوں سے صنعا ہوائی اڈے سے پروازیں روکیں، سعودی سفیر

یمن میں سعودی عرب کے سفیر محمد بن سعید الجابر نے حوثی ملیشیا کو شدید تنقید کا نشانہ بناتے ہوئے کہا ہے کہ حوثیوں نے نہایت کمزور اور ناگفتہ بہ بہانوں کی بنیاد پر صنعا ہوائی اڈے سے پروازوں کا سلسلہ روکا ہے۔

سعودی سفیر نے اپنے ایک خصوصی بیان میں زور دے کر کہا کہ خطے میں پائیدار امن کا قیام کھوکھلے نعروں، تعطل یا سیاسی ٹال مٹول کے ذریعے ہرگز حاصل نہیں کیا جا سکتا۔ ان کا مزید کہنا تھا کہ یمن میں امن صرف اسی صورت ممکن ہے جب یمن اور اس کے عوام کے حقیقی مفادات کو سب سے مقدم رکھا جائے۔ تشدد کا خاتمہ، غلامی کی زنجیروں کو توڑنا اور بیرونی ایجنڈوں پر عمل پیرا ہونے سے گریز کرنا ہی خطے میں امن و استحکام کی ضمانت بن سکتا ہے۔