ثنا یوسف قتل کیس میں عدالت نے تفصیلی فیصلہ جاری کر دیا

اسلام آباد: ڈسٹرکٹ اینڈ سیشن کورٹ اسلام آباد نے دارالحکومت کے لرزہ خیز ‘ثنا یوسف قتل کیس’ کا تفصیلی اور تحریری فیصلہ جاری کر دیا ہے۔ ایڈیشنل ڈسٹرکٹ اینڈ سیشن جج افضل مجوکہ کی جانب سے جاری کردہ یہ تفصیلی فیصلہ 27 صفحات پر مشتمل ہے۔

تفصیلی فیصلے میں عدالت نے قرار دیا ہے کہ استغاثہ (Prosecution) نے ملزم کے خلاف دو انتہائی ٹھوس چشم دید گواہوں کی شکل میں بھرپور اور ناقابلِ تردید شواہد پیش کیے ہیں۔ اس کے علاوہ فرانزک شواہد کے مطابق ملزم کے فنگر پرنٹس (انگلیوں کے نشانات) بھی مقتولہ کے گھر سے میچ ہوئے، جو جائے وقوعہ پر اس کی موجودگی کا واضح ثبوت ہیں۔عدالتی فیصلے کے مطابق، تفتیش کے دوران ملزم سے واردات میں استعمال ہونے والی گاڑی اور آلہ قتل (پستول) بھی برآمد کر لی گئی تھی۔ جج افضل مجوکہ نے فیصلے میں تحریر کیا کہ ملزم نے صرف ملاقات نہ کرنے کی پاداش میں ایک 17 سالہ معصوم لڑکی کو بیدردی سے قتل کیا، اور ریکارڈ کے مطابق ملاقات سے انکار کے علاوہ اس لرزہ خیز قتل کا کوئی اور محرک یا وجہ نہیں تھی۔عدالت نے اپنے ریمارکس میں واضح کیا کہ ملزم عمر حیات نے جس بے رحمی سے ایک معصوم جان لی، وہ کسی بھی قسم کی نرمی یا رعایت کا مستحق نہیں ہے۔ لہٰذا، عدالت ملزم عمر حیات کو درج ذیل سزائیں سناتی ہے