سلمان اکرم راجہ کا مال روڈ واقعہ کے دہشتگرد سے اظہار لاتعلقی

پاکستان تحریک انصاف (پی ٹی آئی) کے قائد سلمان اکرم راجہ نے اڈیالہ روڈ پر میڈیا سے گفتگو کرتے ہوئے لاہور کے مال روڈ واقعے میں ملوث دہشت گرد سے مکمل لاتعلقی کا اظہار کیا ہے۔ انہوں نے واضح کیا کہ پی ٹی آئی ایک پُرامن جماعت ہے اور اس کا کسی بھی قسم کی دہشت گردی یا تشدد سے کوئی تعلق نہیں ہے۔ اس موقع پر گفتگو کرتے ہوئے سلمان اکرم راجہ نے مشعال یوسف زئی کے خلاف سخت پارٹی ایکشن کا اشارہ دیتے ہوئے کہا کہ بانی پی ٹی آئی نے انہیں مشعال کو پارٹی سے نکالنے کی ہدایت کی تھی، جس پر حتمی فیصلہ کور کمیٹی اور پارلیمانی پارٹی کرے گی۔ انہوں نے مزید کہا کہ بلا ثبوت الزامات لگانے والوں کا چہرہ خود بے نقاب ہوگا اور پیپلز پارٹی کے ساتھ کسی قسم کا سیاسی اتحاد نہیں ہے، تاہم کچھ معاملات پر موقف ایک ہو سکتا ہے۔