سجاد علی نے پاکستان کیوں چھوڑا؟ دلچسپ وجہ سامنے آگئی

پاکستان کے لیجنڈری گلوکار سجاد علی کے گزشتہ چند برسوں سے لاس اینجلس منتقل ہونے کی اصل وجہ اور ان کی حب الوطنی سے متعلق حیران کن انکشافات سامنے آئے ہیں۔ ایک حالیہ پوڈ کاسٹ میں ان کے قریبی دوست نے انکشاف کیا ہے کہ سجاد علی کراچی میں ڈکیتی کی ایک واردات کا شکار ہوئے تھے، جس کے باعث انہوں نے دلبرداشتہ ہو کر ملک چھوڑنے کا فیصلہ کیا۔ اسی دوران جب وہ دبئی میں مقیم تھے، تو انہیں ایک بھارتی عہدیدار کی جانب سے بھارت کی شہریت لینے کی پیشکش کی گئی، جس پر سجاد علی نے تاریخی جواب دیتے ہوئے کہا کہ “میں نے اپنا ملک چھوڑا ہے، بیچا نہیں۔” ان کے اس دو ٹوک جواب نے جہاں مداحوں کے دل جیت لیے ہیں، وہیں یہ واضح کر دیا کہ وہ آج بھی اپنے وطن سے اتنی ہی محبت کرتے ہیں جتنی پہلے کرتے تھے۔