امریکا اور ایران نے نئی جنگ بندی پر اتفاق کرلیا: روسی میڈیا کا دعویٰ

روسی میڈیا نے پاکستان اور ایران کے ذرائع کا حوالہ دیتے ہوئے دعویٰ کیا ہے کہ امریکا اور ایران کے درمیان نئی جنگ بندی پر اتفاق ہو گیا ہے، جس میں آبنائے ہرمز سے آزادانہ بحری آمدورفت (نیوی گیشن) کی بحالی بھی شامل ہے۔ رپورٹس کے مطابق جنگ بندی کا باضابطہ اور سرکاری اعلان چند روز میں متوقع ہے جس کے بعد تکنیکی اجلاس اور آگے کے مذاکرات کا سلسلہ شروع ہوگا۔ واضح رہے کہ جون کے وسط میں دونوں فریقین نے ’اسلام آباد مفاہمتی یادداشت‘ پر دستخط کیے تھے جس کی بنیاد پر حتمی امن معاہدہ طے پانا تھا، تاہم بعد میں دوبارہ کشیدگی پیدا ہو گئی تھی۔ روسی میڈیا کے مطابق حالیہ ہفتوں میں ثالثوں کے ذریعے نئی ڈیل کی کوششیں جاری تھیں، تاہم ابھی تک ایران یا امریکا کی جانب سے اس نئے معاہدے کے دعوے پر کوئی رسمی تصدیق یا تردید سامنے نہیں آئی ہے