آبنائے ہرمز بحران: روسی خام تیل کی بڑی کھیپ جلد پاکستان پہنچنے کا امکان

روسی میڈیا نے دعویٰ کیا ہے کہ آبنائے ہرمز میں جاری بحران کے دوران روسی خام تیل پاکستان کو سپلائی کیا جائے گا۔ روسی میڈیا نے اپنی رپورٹ میں گلوبل انرجی امور کے ماہر ڈاکٹر ممودہ سلامے کے حوالے بتایا کہ سات لاکھ تینتیس ہزار بیرل روسی خام تیل جلد پورٹ قاسم بندرگاہ پہنچے گا۔ رپورٹ کے مطابق پاکستان تیل کے لیے طویل عرصے سے سعودی عرب اور متحدہ عرب امارات پر انحصار کررہا ہے تاہم پاکستان اس سے پہلے بھی روسی خام تیل خرید چکا ہے۔ رپورٹ میں پاکستان بزنس کونسل کے حوالے سے یہ بھی دعوی کیا گیا کہ عالمی سطح پر تیل کی قیمتوں میں ہر دس فیصد اضافے سے پاکستان کا کرنٹ اکاونٹ خسارہ ڈیڑھ سے دو ارب ڈالر بڑھ جاتا ہے۔