روس میں ایندھن کا بحران شدت اختیار کر گیا، درآمدات شروع

روسی نائب وزیراعظم الیگزینڈر نوواک نے تصدیق کی ہے کہ ملک میں ایندھن کا بحران شدت اختیار کر جانے کے بعد حکومت نے پیٹرول اور دیگر ایندھن کی غیر ملکی درآمدات کا آغاز کر دیا ہے۔

خبر ایجنسی کے مطابق، یوکرینی ڈرون حملوں میں متعدد روسی آئل ریفائنریوں کو نشانہ بنائے جانے کے باعث ایندھن کی پیداوار شدید متاثر ہوئی ہے، جس سے ملک بھر میں سپلائی کا نظام درہم برہم ہو گیا۔ صورتحال کے پیشِ نظر مختلف روسی شہروں میں پیٹرول پمپس پر فی گاڑی ایندھن کے حصول کی حد مقرر کر دی گئی ہے، جبکہ شہریوں کو پیٹرول اور ڈیزل کے لیے طویل قطاروں میں انتظار کرنا پڑ رہا ہے۔ حکام کا کہنا ہے کہ ریفائنریوں کی عارضی بندش اور بحالی کا کام مکمل ہونے تک پیٹرولیم مصنوعات کی اس کمی کو بیرونی درآمدات کے ذریعے پورا کرنے کی کوششیں جاری ہیں۔