روسی جوہری توانائی کارپوریشن کا ایران میں جوہری منصوبے جاری رکھنے کا اعلان

روس کی سرکاری جوہری توانائی کارپوریشن ‘روس ایٹم’ (Rosatom) کے سربراہ الیکسی لیخاچیف نے اعلان کیا ہے کہ امریکی و بین الاقوامی پابندیوں اور سخت معاشی دباؤ کے باوجود ان کا ادارہ ایران میں اپنے زیرِ التوا اور جاری جوہری منصوبوں پر کام جاری رکھے گا۔ الیکسی لیخاچیف نے کہا کہ روس ایٹم نہ صرف ایران بلکہ مصر اور ہنگری میں بھی اپنے جوہری منصوبوں کو تیزی سے آگے بڑھا رہا ہے۔ انہوں نے ایران کے بوشہر نیوکلیئر پاور پلانٹ میں مزید دو نئے جوہری توانائی یونٹس تعمیر کرنے کے عزم کا بھی اعادہ کیا۔