راولپنڈی: روات سبزی منڈی اور لنڈا بازار میں خوفناک آتشزدگی
Web Desk
21 May 2026
راولپنڈی کے علاقے روات میں کلر سیداں روڈ پر واقع سبزی منڈی اور لنڈا بازار میں خوفناک آتشزدگی کے باعث متعدد کھوکھے جل کر خاکستر ہوگئے۔
ریسکیو ذرائع کے مطابق آگ اچانک بھڑک اٹھی اور دیکھتے ہی دیکھتے کئی کھوکھوں کو اپنی لپیٹ میں لے لیا، جبکہ آگ کے بلند شعلے دور دور تک دکھائی دیتے رہے جس سے علاقے میں خوف و ہراس پھیل گیا۔
واقعے کی اطلاع ملتے ہی ریسکیو 1122 کی 7 ایمرجنسی گاڑیاں فوری طور پر جائے وقوعہ پر روانہ کی گئیں، جبکہ مزید 2 گاڑیاں امدادی کارروائیوں میں حصہ لے رہی ہیں۔
ریسکیو اہلکار موقع پر پہنچ کر آگ بجھانے میں مصروف ہیں تاہم تیز ہواؤں کے باعث امدادی کارروائیوں میں مشکلات کا سامنا کرنا پڑ رہا ہے۔
آتشزدگی کے نتیجے میں کھوکھوں اور وہاں موجود سامان کو شدید نقصان پہنچا، جبکہ مقامی افراد بھی ریسکیو اہلکاروں کے ساتھ اپنی مدد آپ کے تحت سامان محفوظ مقام پر منتقل کرنے میں مصروف رہے۔
ریسکیو حکام کے مطابق امدادی کارروائیاں تیزی سے جاری ہیں اور ابتدائی اطلاعات کے مطابق تاحال کسی جانی نقصان یا زخمی ہونے کی اطلاع موصول نہیں ہوئی۔
عینی شاہدین کا کہنا ہے کہ آگ ممکنہ طور پر شارٹ سرکٹ کے باعث لگی، تاہم حکام نے کہا ہے کہ آتشزدگی کی اصل وجوہات کا تعین بعد ازاں کیا جائے گا۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026