’اپنے بوائے فرینڈ سے کہو استعفیٰ دے‘ راکھی ساونت کا میلونی کی پوسٹ پر کمنٹ وائرل

بھارتی اداکارہ و ڈانسر راکھی ساونت ایک بار پھر اپنے نوکدار اور منفرد تبصرے کی وجہ سے سوشل میڈیا کی توجہ کا مرکز بن گئی ہیں۔ راکھی ساونت نے اٹلی کی وزیراعظم جارجیا میلونی کی حالیہ انسٹاگرام ویڈیو پر تبصرہ کرتے ہوئے لکھا، ”برائے کرم اپنے بوائے فرینڈ سے کہیں کہ وہ استعفیٰ دے دیں۔“ اداکارہ کے اس تبصرے نے سوشل میڈیا پر ایک نیا طوفان برپا کر دیا اور صارفین کی بڑی تعداد نے بھارتی سیاست و تعلیم پر طنز کرتے ہوئے ملتے جلتے کمنٹس کی بھرمار کر دی۔ کسی صارف نے نریندر مودی کا نام لے کر طلبہ کے مسائل سننے کا مطالبہ کیا تو کسی نے بھارتی تعلیمی پالیسیوں پر طنز کیا۔ راکھی ساونت کا یہ تبصرہ اس وقت انسٹاگرام اور دیگر سوشل میڈیا پلیٹ فارمز پر تیزی سے وائرل ہو رہا ہے۔