عدم تحفظ کا شکار خواتین وقتی محبت کو بھی حقیقی محبت سمجھ لیتی ہیں، قدسیہ علی

پاکستان شوبز انڈسٹری کی ابھرتی ہوئی اداکارہ قدسیہ علی اور اداکار عباس اشرف اعوان نے ایک میگزین کو دیے گئے انٹرویو میں آج کے مردوں اور خواتین کے معاشرتی رویوں پر اپنے خیالات کا اظہار کیا ہے۔ اداکارہ قدسیہ علی کا کہنا تھا کہ والدین کی محبت سے محروم رہنے والی خواتین شدیدی عدم تحفظ کا شکار ہو کر کسی سے ملنے والی معمولی یا وقتی محبت کو بھی حقیقی سمجھ بیٹھتی ہیں اور ناشائستہ رویے بھی برداشت کرتی ہیں۔ انہوں نے اعتراف کیا کہ وہ خود بھی ماضی میں اس احساس سے گزر چکی ہیں مگر انہوں نے اپنی شخصیت پر کام کر کے اس پر قابو پایا۔ دوسری جانب عباس اشرف اعوان نے مردوں میں برتری کے احساس کو والدین کی غیر متوازن تربیت کا نتیجہ قرار دیتے ہوئے بیٹوں اور بیٹیوں کو برابر اہمیت دینے کی ضرورت پر زور دیا۔