دفاع کرنے سے گریزنہیں کریں گے، آئندہ حملہ ہواتوجواب دیں گے، قطر

قطرنےکہاہے کہ وہ موجودہ جنگ کا فریق نہیں ، اپنا بھرپور دفاع کرنے میں دریغ نہیں کرئے گا سفارتکاری پر یقین رکھتے ہیں مگرآئندہ حملہ ہواتو جواب دیاجائے گا۔

قطری وزارت خارجہ کے ترجمان ماجد الانصاری کے مطابق کشیدگی کے آغاز سے قطر اور ایران کے درمیان ایک ہی براہ راست رابطہ ہوا ہے جو کشیدگی کےشروع میں قطری وزیراعظم اور ایرانی وزیر خارجہ کے درمیان ہوا تھا۔

ترجمان نے کہا کہ قطر اور ایران کے درمیان رابطوں کے ذرائع ابھی تک منقطع نہیں ہوئے، موجودہ صورتحال میں کشیدگی کم کرنے کی کوششیں جاری ہیں۔ہمیں یقین ہےتنازعات کو مذاکرات کےذریعےطے کیا جاسکتا ہے۔

ماجد الانصاری نے کہا کہ ایرانی صدر مسعود پزشکیان کی معذرت سے امید کی کرن ملی تھی، تاہم اس کے بعد قطر، متحدہ عرب امارات اور بحرین پر مزید حملے شروع ہوئے۔ترجمان نے کہا کہ قطر دیگر خلیجی ممالک کے ساتھ جنگ کے حوالے سے مشترکہ بیان کی تیاری کر رہا تھا تاہم ایران نے معذرت پر ردعمل کا موقع نہیں دیا۔