صدر آصف علی زرداری سے قطری وزیرِ دفاع کی ملاقات

صدرِ پاکستان آصف علی زرداری سے قطر کے نائب وزیراعظم اور وزیرِ دفاع شیخ سعود بن عبدالرحمٰن الثانی نے ملاقات کی۔
ملاقات میں پاکستان اور قطر کے درمیان دفاعی اور سلامتی کے تعلقات کو تاریخی اور قابلِ فخر قرار دیا گیا۔ صدر آصف علی زرداری نے تربیت، استعداد کار، دفاعی پیداوار اور مشترکہ منصوبوں میں جاری دوطرفہ تعاون پر اطمینان کا اظہار کیا۔
قطری وزیرِ دفاع شیخ سعود بن عبدالرحمٰن الثانی نے افواجِ پاکستان کی پیشہ ورانہ صلاحیتوں کو سراہا اور مشترکہ دفاعی پیداوار و منصوبوں کو مزید فروغ دینے کے عزم کا اعادہ کیا۔انہوں نے افغان تنازعے میں مثبت کردار ادا کرنے کے عزم کا بھی اظہار کیا۔
صدر آصف علی زرداری نے کہا کہ پاکستان قطر کے ساتھ دفاعی اور تزویراتی شراکت داری کو مزید وسعت دینے کے لیے پُرعزم ہے، تاکہ دونوں ممالک کے تعلقات نئے عملی تعاون کے دور میں داخل ہوں