قطر میں ایران اور عمان کے مذاکرات اہم مرحلے میں داخل، آبنائے ہرمز کھولنے پر زور

قطری وزارت خارجہ کے ترجمان ماجد الانصاری نے بتایا ہے کہ دوحہ میں ایران اور عمان کے درمیان جاری سفارتی مذاکرات ایک انتہائی اہم اور فیصلہ کن مرحلے میں داخل ہو گئے ہیں۔ ترجمان کے مطابق خطے میں کشیدگی کم کرنے اور امن و امان کی بحالی کے لیے قطر اس بات کا خواہاں ہے کہ آبنائے ہرمز کو بین الاقوامی جہاز رانی کے لیے جلد از جلد دوبارہ کھولا جائے۔ دوسری جانب سمندری سیکورٹی ذرائع نے اطلاع دی ہے کہ خلیج عمان میں پاناما کے پرچم بردار ایک کنٹینر جہاز کو ممکنہ طور پر میزائل سے نشانہ بنایا گیا ہے۔ رپورٹ کے مطابق یہ واقعہ پاکستانی ساحل سے تقریباً 71 ناٹیکل میل کے فاصلے پر پیش آیا ہے، جس کے بعد علاقائی پانیوں میں سیکیورٹی خدشات مزید بڑھ گئے ہیں۔