امریکا، ایران مذاکرات کی بحالی کیلئے رابطے جاری ہیں: قطر

ترجمان قطری وزارتِ خارجہ ماجد الانصاری نے کہا ہے کہ امریکا اور ایران کے درمیان مذاکرات کی بحالی کے لیے قطر کے روزانہ کی بنیاد پر تمام فریقوں سے براہِ راست رابطے جاری ہیں۔ ان کا کہنا تھا کہ بحران سے نکلنے کا واحد راستہ صرف اور صرف مذاکرات ہیں اور قطری حکام فریقین کو دوبارہ مذاکرات کی میز پر لانے کے لیے مختلف تجاویز اور طریقہ کار پر غور کر رہے ہیں۔ ترجمان نے بتایا کہ قطر اور پاکستان کی زیرِ قیادت ثالثی کے عمل میں تمام فریقوں کی مکمل شرکت پر زور دیا جا رہا ہے، جبکہ قطر کی اولین ترجیح خطے میں کشیدگی کم کر کے اور جنگ بندی کے ذریعے آبنائے ہرمز میں بحری آمدورفت کو معمول پر بحال کرنا ہے۔