روسی صدر ولادیمیر پیوٹن اور ایرانی صدر مسعود پزشکیان کا ٹیلیفونک رابطہ، فوری جنگ بندی پر زور

روس کے صدر ولادیمیر پیوٹن اور ایران کے صدر مسعود پزشکیان کے درمیان ٹیلیفون پر رابطہ ہوا جس میں خطے کی موجودہ صورتحال پر تبادلہ خیال کیا گیا۔

روسی ذرائع کے مطابق گفتگو کے دوران صدر ولادیمیر پیوٹن نے ایران سے متعلق مسائل کے حل کے لیے روس کے اصولی مؤقف کو دہراتے ہوئے فوری جنگ بندی کی ضرورت پر زور دیا۔

روسی صدر کا کہنا تھا کہ تنازعات کے حل کے لیے طاقت کا استعمال قابل قبول نہیں اور مسائل کو مذاکرات اور سفارتی ذرائع سے حل کیا جانا چاہیے۔

دونوں رہنماؤں نے خطے میں کشیدگی کم کرنے اور حالات کو مزید بگڑنے سے روکنے کے لیے سفارتی کوششوں کی اہمیت پر بھی بات چیت کی۔

روس نے ایک بار پھر اس بات پر زور دیا کہ خطے میں امن اور استحکام کے لیے فوری طور پر جنگی کارروائیاں روکنا ضروری ہے۔