روس چین ویزا فری نظام مستقل کرنے پر تیار، صدر پوتن کا اعلان

روس کے صدر ولادیمیر پوتن نے کہا ہے کہ اگر بیجنگ اسے مناسب اور فائدہ مند سمجھتا ہے تو روس دونوں ممالک کے درمیان ویزا فری نظام کو مستقل بنیادوں پر قائم کرنے کے لیے چین کے ساتھ کام کرنے کو تیار ہے۔ بشکیک میں شنگھائی تعاون تنظیم (SCO) کے سربراہی اجلاس کے موقع پر چینی صدر شی جن پنگ سے ملاقات کے دوران صدر پوتن نے بتایا کہ ویزا فری سہولت سے رواں سال کی پہلی ششماہی میں دونوں ممالک کے درمیان سیاحت میں 43 فیصد اضافہ ہوا ہے۔ واضح رہے کہ روس نے یکم دسمبر 2025 کو چینی شہریوں کو 30 دن کے لیے بغیر ویزا داخلے کی اجازت دی تھی، جس کی مدت کو بعد میں 2027ء کے اختتام تک بڑھا دیا گیا تھا۔ روسی صدر کا کہنا تھا کہ ماسکو اس عارضی سہولت کو مستقل شکل دینے کے لیے چینی فریق کی رضامندی کا منتظر ہے۔