پنجاب فلم سٹی اتھارٹی تشکیل دینے کا بل کثرت رائے سے منظور

پنجاب اسمبلی نے صوبے میں فلم انڈسٹری کے فروغ کے لیے “پنجاب فلم سٹی اتھارٹی ایکٹ 2026” کثرتِ رائے سے منظور کر لیا ہے۔ اس نئے قانون کے تحت فلم، ڈرامہ اور ڈاکومنٹری سازی کی حکومتی سطح پر سرپرستی کی جائے گی اور انڈسٹری کی بہتری کے لیے خصوصی فنڈز، گرانٹس اور سبسڈیز فراہم کی جائیں گی۔ اتھارٹی فلم سازوں کو اجازت ناموں کے حصول کے لیے ‘ون ونڈو آپریشن’ کی سہولت دے گی، جبکہ نئے ٹیلنٹ کی تربیت اور جدید فلم اسٹوڈیوز کے قیام کی راہ بھی ہموار کی جائے گی۔ اس اقدام کا بنیادی مقصد پنجاب کی ثقافت، سیاحت اور عالمی سطح پر پاکستان کے مثبت تشخص کو اجاگر کرنا اور غیر ملکی سرمایہ کاری کو راغب کرنا ہے۔