مشرقِ وسطیٰ میں جنگ بندی کی امید، پاکستان اسٹاک ایکسچینج میں کاروبار کا زبردست تیزی پر اختتام

کراچی میں پاکستان اسٹاک ایکسچینج میں کاروبار کا اختتام شاندار تیزی کے ساتھ ہوا جس کی بنیادی وجہ مشرقِ وسطیٰ میں جنگ بندی کی بڑھتی ہوئی توقعات بتائی جا رہی ہیں۔

کاروباری روز کے دوران 100 انڈیکس میں 3881 پوائنٹس کا نمایاں اضافہ ریکارڈ کیا گیا جس کے بعد مجموعی اضافہ 2.31 فیصد تک پہنچ گیا۔

مارکیٹ ذرائع کے مطابق سرمایہ کاروں کو ایک ہی دن میں 372 ارب 57 کروڑ روپے کا منافع حاصل ہوا۔

100 انڈیکس نے دن کے دوران ایک لاکھ 68 ہزار، 69 ہزار، 70 ہزار اور 71 ہزار کی اہم نفسیاتی سطحیں بحال کیں اور آخرکار ایک لاکھ 71 ہزار 725 پوائنٹس پر بند ہوا۔

یومیہ کاروبار کے دوران انڈیکس کی بلند ترین سطح ایک لاکھ 71 ہزار 920 جبکہ کم ترین سطح ایک لاکھ 70 ہزار 161 پوائنٹس ریکارڈ کی گئی۔

پورے دن میں 50 کروڑ 64 لاکھ شیئرز کے سودے 31 ارب 15 کروڑ روپے مالیت کے ساتھ طے پائے۔