پاکستان سٹاک مارکیٹ میں شدید مندی، انڈیکس 2 ہزار سے زائد پوائنٹس گر گیا

پاکستان اسٹاک ایکسچینج (PSX) میں نئے کاروباری ہفتے کا آغاز شدید مندی کے ساتھ ہوا ہے، جہاں پہلے ہی روز مارکیٹ کھلتے ہی سرمائے کے انخلا اور فروخت کے شدید دباؤ کے باعث ہنڈرڈ انڈیکس میں بڑی گراوٹ دیکھی گئی۔ کاروبار کے ابتدائی سیشن کے دوران کے ایس ای (KSE) 100 انڈیکس 2700 سے زائد پوائنٹس مائنس ہو گیا، جس سے انڈیکس گر کر 1 لاکھ 79 ہزار 448 پوائنٹس کی سطح پر آگیا۔ یاد رہے کہ گزشتہ کاروباری ہفتے کے آخری روز مارکیٹ میں مثبت رجحان رہا تھا اور ہنڈرڈ انڈیکس 982 پوائنٹس کے نمایاں اضافے کے ساتھ ایک لاکھ 82 ہزار 241 پوائنٹس کی سطح پر بند ہوا تھا، تاہم نئے ہفتے کے پہلے ہی روز انڈیکس نے اپنی نفسیاتی حد گنوا دی اور سرمایہ کاروں کو بڑے خسارے کا سامنا کرنا پڑ رہا ہے۔