نجکاری کمیشن بورڈ کا اجلاس، تین بڑے ایئرپورٹس کی نجکاری کی سفارش

وزیرِاعظم کے مشیر برائے نجکاری محمد علی کی زیرِ صدارت نجکاری کمیشن بورڈ کا اجلاس ہوا، جس میں تین بڑے ایئرپورٹس کو نجکاری پروگرام میں شامل کرنے کی سفارش کی گئی۔

اعلامیے کے مطابق اسلام آباد، لاہور اور کراچی کے تین بین الاقوامی ہوائی اڈوں سے متعلق سفارش کابینہ کی نجکاری کمیٹی کو بھجوائی گئی ہے۔ اس اقدام کے تحت ایئرپورٹس کا انتظام طویل مدتی رعایتی بنیادوں پر نجی شعبے کے سپرد کیا جائے گا۔

اجلاس میں ہاؤس بلڈنگ فنانس کمپنی لمیٹڈ (HBFC)، قومی ایئرلائن (PIA) اور تین بین الاقوامی ایئرپورٹس کی نجکاری سے متعلق اہم فیصلے کیے گئے۔

اعلامیے میں بتایا گیا کہ ایچ بی ایف سی کی نجکاری کے لیے ریفرنس پرائس اور سیل پرچیز ایگریمنٹ کو حتمی شکل دے دی گئی ہے۔ بولی ریفرنس پرائس کی منظوری اور کابینہ کی توثیق کے بعد کھولی جائے گی۔