وزیراعظم شہباز شریف روسی صدر ولادی میر پیوٹن سے ملاقات کے لیے چالیس منٹ تک انتظار کرتے ریے

وزیراعظم شہباز شریف روسی صدر ولادی میر پیوٹن سے ملاقات کے لیے چالیس منٹ تک انتظار کرتے ریے،اشک آباد میں وزیراعظم کی روسی صدر ولادیمیر پیوٹن سے ملاقات میں غیر معمولی صورتحال پیدا ہوگئی،روسی خبر ایجنسی آر ٹی نے رپورٹ کیا ہے کہ پاکستان کے وزیراعظم روسی صدر ولادیمیر پیوٹن سے طے شدہ ملاقات کے لیے تقریباً چالیس منٹ تک انتظار کرتے رہے، تاہم روسی صدر مقررہ وقت پر ملاقات کے لیے نہ پہنچ سکے۔

آر ٹی کے مطابق روسی صدر اس وقت ترک صدر رجب طیب اردوان کے ساتھ ملاقات میں مصروف تھے، جو طے شدہ وقت سے زیادہ طویل ہو گئی۔ طویل انتظار کے بعد وزیراعظم پاکستان خود دوسرے کمرے میں گئے جہاں روسی اور ترک صدور موجود تھے۔ وہاں وزیراعظم اور روسی صدر کے درمیان مختصر طور پر تقریباً پانچ منٹ کی ملاقات ہوئی، جس کے بعد وزیراعظم واپس روانہ ہو گئے۔

اس غیر متوقع تاخیر پر سفارتی حلقوں میں مختلف آرا سامنے آ رہی ہیں، تاہم اس ملاقات کو غیر رسمی اور مختصر قرار دیا جا رہا ہے۔ واقعے نے بین الاقوامی سفارتی آداب اور ملاقاتوں کے شیڈول سے متعلق سوالات کو بھی جنم دیا ہے