وزیراعظم شہباز شریف آذربائیجان کے دارالحکومت باکو پہنچ گئے

وہ آذربائیجان کے یومِ فتح کی پانچویں سالگرہ کی مرکزی تقریب میں شرکت کریں گے۔ یہ دورہ آذربائیجان کے صدر الہام علیوف کی دعوت پر کیا جا رہا ہے۔

وفاقی وزیر اطلاعات عطا تارڑ بھی وزیراعظم کے ہمراہ ہیں۔ دورے کے دوران وزیراعظم شہباز شریف کی صدر الہام علیوف سے ملاقات متوقع ہے، جس میں دوطرفہ تعلقات کے فروغ اور باہمی تعاون پر گفتگو کی جائے گی۔ مذاکرات میں توانائی، دفاع، تعلیم اور علاقائی روابط کے شعبوں میں تعاون کو مزید مضبوط بنانے پر خصوصی توجہ دی جائے گی۔