صدر مملکت نے سینیٹ کا اجلاس آج طلب کر لیا، اہم قومی امور پر بحث متوقع

صدر مملکت آصف علی زرداری نے آئین کے آرٹیکل 54(1) کے تحت سینیٹ کا اجلاس کل 17 اگست کو شام 4 بجے پارلیمنٹ ہاؤس اسلام آباد میں طلب کر لیا ہے۔ چیئرمین سینیٹ سید یوسف رضا گیلانی کی زیرِ صدارت ہونے والے اس اجلاس میں مختلف قانون سازی کے بل پیش کیے جائیں گے، جبکہ ملکی سیاسی، اقتصادی اور سیکیورٹی صورتحال کا بھی تفصیلی جائزہ لیا جائے گا۔ اس کے علاوہ ایوانِ بالا میں اہم عالمی و علاقائی معاملات پر سیر حاصل گفتگو متوقع ہے، جس میں حکومت اور اپوزیشن کے ارکان اہم قومی موضوعات پر بحث اور آئندہ کا لائحہ عمل طے کریں گے۔ آئین کے آرٹیکل 54(1) کے تحت صدر مملکت کو پارلیمنٹ کا اجلاس طلب کرنے کا اختیار حاصل ہے۔ یہ اجلاس ایک ایسے وقت میں ہو رہا ہے جب ملک کو متعدد قومی و بین الاقوامی چیلنجز کا سامنا ہے۔