صدر مملکت آصف زرداری نے پانچ سمریوں اور بلوں کی منظوری دے دی

صدر مملکت آصف علی زرداری نے پانچ اہم سمریوں اور بلوں کی منظوری دے دی ہے۔ منظور کیے گئے بلوں میں ایکسپورٹ امپورٹ بینک آف پاکستان ترمیمی بل 2026ء، مالیاتی اداروں کی مالی رقوم کی وصولی ترمیمی بل 2026ء اور وفاقی بورڈ آف ریونیو (ایف بی آر) ترمیمی بل 2026ء شامل ہیں۔ اس کے علاوہ صدر مملکت نے سید علی محمود کو پاکستان سول ایوارڈ عطا کرنے کی منظوری بھی دی۔ مزید برآں، صدر مملکت نے تنظیمِ اسلامی تعاون (OIC) کے رکن ممالک کے درمیان انسدادِ بدعنوانی کے قوانین کے نفاذ اور باہمی تعاون سے متعلق اہم ‘مکہ المکرمہ کنونشن’ کی توثیق کی بھی منظوری دے دی ہے۔