پرتگال نے ازبکستان کو شکست دے کر فیفا ورلڈ کپ کی پہلی جیت حاصل کر لی

فیفا ورلڈ کپ 2026 کے ایک اہم ترین مقابلے میں پرتگال نے ازبکستان کو عبرتناک شکست دے کر ایونٹ میں اپنی پہلی کامیابی سمیٹ لی ہے۔ غیر ملکی میڈیا رپورٹس کے مطابق، امریکی ریاست ٹیکساس میں کھیلے گئے گروپ ‘کے’ (Group K) کے اس میچ میں پرتگال کی ٹیم ازبکستان پر پوری طرح حاوی رہی اور مقابلہ 0-5 سے اپنے نام کر لیا۔ پرتگال کی اس یکطرفہ جیت میں دنیا کے مقبول ترین فٹبالر کرسٹیانو رونالڈو نے شاندار کھیل کا مظاہرہ کرتے ہوئے اپنی ٹیم کے لیے 2 گول اسکور کیے۔ ان کے علاوہ مینڈس، نیماٹوو اور رافیل لیو نے بھی ایک ایک گول کر کے ٹیم کی فتح میں اپنا حصہ ڈالا۔ واضح رہے کہ اس سے قبل پرتگال اور ڈی آر کانگو کا میچ 1-1 گول سے برابر رہا تھا، جس کے بعد اس بڑی جیت نے پرتگال کی پوزیشن مستحکم کر دی ہے۔ اب پرتگال کا اگلا مقابلہ 28 جون 2026 کو کولمبیا کے خلاف ہوگا، جو پاکستانی وقت کے مطابق صبح 4 بج کر 30 منٹ پر کھیلا جائے گا۔