پوری قوم کو یادگار فتح کے سائے میں جشن آزادی مبارک: شہباز شریف

وزیراعظم شہباز شریف نے اسلام آباد میں یادگارِ فتح کی افتتاحی تقریب سے خطاب کرتے ہوئے پوری قوم کو جشنِ آزادی اور معرکہ حق میں حاصل ہونے والی تاریخی کامیابی پر مبارکباد پیش کی ہے۔ انہوں نے کہا کہ یہ فتح ہماری مسلح افواج کی پیشہ ورانہ مہارت، عزم اور بالادستی کا ثبوت ہے جس نے قوم کا سر فخر سے بلند کر دیا ہے۔ وزیراعظم نے فیلڈ مارشل سید عاصم منیر کی قیادت اور 8 ماہ کے قلیل عرصے میں اس یادگار کی تعمیر کے لیے ان کی ذاتی دلچسپی کو زبردست خراجِ تحسین پیش کیا۔ اپنے خطاب میں وزیراعظم نے واضح کیا کہ پاکستان خطے میں امن کا خواہش مند ہے لیکن ہماری امن پسندی کو کمزوری نہ سمجھا جائے، پانی کے مسئلے پر پاکستان کا موقف دوٹوک ہے اور ایک ایک بوند ہماری ‘ریڈ لائن’ ہے۔ انہوں نے بین الاقوامی امور، کشمیری و فلسطینی عوام کی حمایت اور پاک امریکا و پاک چین تعلقات کے فروغ کا اعادہ کرتے ہوئے قوم پر زور دیا کہ وہ باہمی اختلافات بھلا کر ملکی ترقی میں اپنا کردار ادا کریں