وزیراعظم کی فیلڈ مارشل کے ہمراہ عمرہ کی ادائیگی، ملک کیلئے خصوصی دعائیں

وزیراعظم شہباز شریف نے اپنے دورۂ سعودی عرب کے دوران مکہ مکرمہ میں عمرہ کی سعادت حاصل کر لی ہے۔

عمرہ کی ادائیگی کے موقع پر وزیراعظم کے ہمراہ نائب وزیراعظم اسحاق ڈار، فیلڈ مارشل سید عاصم منیر، وفاقی وزیر دفاع خواجہ آصف، اور وفاقی وزیر اطلاعات عطا تارڑ سمیت اعلیٰ سطحی وفد کے دیگر اراکین بھی موجود تھے۔ عمرہ کے ارکان کی ادائیگی سے قبل پاکستانی وفد نے خانہ کعبہ کی زیارت کی اور ملک و قوم کی ترقی، سلامتی، استحکام اور خوشحالی کے لیے خصوصی دعائیں مانگیں۔

اس سے قبل، وزیراعظم کے جدہ ایئرپورٹ پہنچنے پر جدہ کے نائب گورنر شہزادہ سعود بن مشعل نے ان کا پرتپاک استقبال کیا۔ اپنے اس اہم دورے کے دوران وزیراعظم شہباز شریف سعودی ولی عہد اور وزیراعظم شہزاد محمد بن سلمان سے اعلیٰ سطحی ملاقات کریں گے، جس میں دونوں برادر ممالک کے درمیان دیرینہ تعلقات، اقتصادی شراکت داری اور باہمی تعاون کو مزید مضبوط بنانے پر تفصیلی گفتگو ہوگی۔