LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب پاکستان اور چین کا قانون نافذ کرنے والے اداروں میں معاونت بڑھانے پر اتفاق بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا

معاشی وسائل صوبوں کا حق، این ایف سی میں بلوچستان کا حصہ سو فیصد بڑھا دیا: وزیراعظم

Web Desk

13 June 2026

اسلام آباد: وزیراعظم محمد شہباز شریف نے ملک کو معاشی و سیاسی بحران سے نکالنے کے لیے اپوزیشن کو ایک بار پھر مذاکرات کی میز پر آنے کی باقاعدہ دعوت دیتے ہوئے ‘میثاقِ معیشت’ اور ‘میثاقِ جمہوریت’ پر مشترکہ دستخط کرنے کی پیشکش کی ہے۔ قومی اسمبلی کے بجٹ اجلاس سے اپنے تفصیلی خطاب میں انہوں نے واشگاف الفاظ میں کہا کہ ملک کو مستحکم کرنا ہم سب کی مشترکہ ذمہ داری ہے، اپوزیشن اراکین ہمارے بھائی ہیں اور ان سے ہماری کوئی ذاتی لڑائی نہیں ہے۔

سیاسی ڈیڈ لاک کے خاتمے کے لیے وزیراعظم نے ایوان میں مفاہمت کا ہاتھ بڑھایا وزیراعظم کا کہنا تھا کہ: “میں نے پہلے بھی کئی بار کہا اور آج بھی کہتا ہوں کہ ابھی دیر نہیں ہوئی، آئیں مل کر میثاقِ معیشت اور میثاقِ جمہوریت کی طرف بڑھیں، میں اپوزیشن کے ساتھ بیٹھنے کے لیے ہر وقت تیار ہوں”۔انہوں نے اپوزیشن اتحاد کے رہنما محمود خان اچکزئی کی حالیہ تقریر کا خصوصی حوالہ دیتے ہوئے کہا کہ انہوں نے اچکزئی صاحب کے نکات کو بہت غور سے سنا ہے، تاہم وہ اس کا تفصیلی یا جذباتی جواب دینے کے بجائے مناسب موقع پر اپنا سنجیدہ مؤقف پیش کریں گے۔

صوبائی حقوق اور معاشی وسائل کی تقسیم پر بات کرتے ہوئے شہباز شریف نے وفاق کی پالیسی واضح کی انہوں نے بتایا کہ نئے بجٹ میں این ایف سی ایوارڈ کے تحت بلوچستان کا مالیاتی کوٹہ 100 فیصد بڑھا دیا گیا ہے۔ یہ وہاں کے غیور عوام پر کوئی احسان نہیں بلکہ ان کا آئینی حق ہے۔ اس معاشی ریلیف کے لیے تمام صوبوں بالخصوص پنجاب نے اپنے حصے کی سب سے بڑی قربانی دی۔بلوچستان کے کسانوں کو توانائی کے بحران سے بچانے کے لیے اربوں روپے مالیت کے سولر پینلز دیے گئے ہیں، جبکہ گوادر سے چمن تک انٹر-صوبائی شاہراہ کی تعمیر پر 300 ارب روپے سے زائد کی خطیر رقم خرچ کی جا رہی ہے۔

“قومی سلامتی کے حساس ترین معاملے پر گفتگو کرتے ہوئے وزیراعظم شہباز شریف نے ایوان کو بتایا کہ بلوچستان اور خیبرپختونخوا میں ہونے والی حالیہ دہشت گردی کے پیچھے بیرونی ہاتھ ملوث ہے۔ انہوں نے انکشاف کیا کہ سرحد پار بیٹھے عناصر کی جانب سے پاکستان میں سرگرم ‘خوارجیوں’ کو جدید ترین تکنیکی مدد (Technical Support) اور فنڈز فراہم کیے جا رہے ہیں تاکہ ملک کو عدم استحکام کا شکار کیا جا سکے” چند روز قبل ہیلی کاپٹر حادثے میں شہید ہونے والے پاک فوج کے افسران اور جوانوں کو خراجِ عقیدت پیش کرتے ہوئے انہوں نے کہا کہ یہ شہدا اپنی جانیں دے کر قوم کے کروڑوں بچوں کو یتیم ہونے سے بچاتے ہیں۔ اگر ہم نے دہشت گردی کے خلاف غفلت دکھائی یا مل کر شہدا کا احترام نہ کیا تو قوم اور تاریخ ہمیں کبھی معاف نہیں کرے گی۔