ٹرمپ نے ایرانی قیادت کو ’بیمار ذہنیت‘ کا حامل قرار دے دیا

امریکی صدر ڈونلڈ ٹرمپ نے ایرانی قیادت پر کڑی تنقید کرتے ہوئے انہیں “بیمار ذہنیت” کا حامل قرار دیا ہے اور کہا ہے کہ ایران کے غیر ذمہ دارانہ رویے نے مشرقِ وسطیٰ کے خطے میں کشیدگی کو انتہائی خطرناک حد تک بڑھایا ہے۔

امریکی میڈیا سے خصوصی گفتگو کرتے ہوئے صدر ڈونلڈ ٹرمپ نے تصدیق کی کہ امریکی افواج کی جانب سے ایران پر رات بھر فوجی کارروائیاں کی گئیں، تاہم انہوں نے واضح کیا کہ اس کشیدگی کے باوجود آبنائے ہرمز تجارتی اور سویلین جہازوں کی آمدورفت کے لیے مکمل طور پر کھلی ہے۔ صدر ٹرمپ نے یہ دعویٰ بھی کیا کہ ایرانی حکام نے گزشتہ روز ایک معاہدے پر اتفاق کیا ہے، جو امریکہ کے قومی مفادات کے لیے ایک بہترین معاہدہ ثابت ہوا ہے۔

امریکی صدر نے عالمی برادری کو یقین دہانی کرواتے ہوئے ایک بار پھر اس بات پر زور دیا کہ آبنائے ہرمز کمرشل ٹریفک کے لیے ہر صورت کھلی رکھی جائے گی اور وہاں بین الاقوامی تجارتی و بحری سرگرمیاں بلاتعطل جاری رہیں گی