آزاد کشمیر: 9 جون کی ہڑتال کی کال، انٹرنیٹ معطل، معمولات زندگی متاثر

آزاد جموں و کشمیر میں کالعدم قرار دی گئی تنظیم کی جانب سے 9 جون کو دی گئی ہڑتال کی کال کے باعث مختلف علاقوں میں معمولات زندگی متاثر ہوئے ہیں جبکہ انٹرنیٹ سروس بھی معطل کر دی گئی ہے۔

مظفرآباد، باغ اور میرپور میں امن و امان کی صورتحال کے پیش نظر قانون نافذ کرنے والے اداروں کی جانب سے فلیگ مارچ کیا گیا تاکہ صورتحال کو قابو میں رکھا جا سکے۔

ہڑتال کے باعث کئی علاقوں میں بازاروں میں شہریوں کا رش دیکھا گیا، جبکہ لوگ ضروری اشیاء کی خریداری میں مصروف رہے۔

دوسری جانب متعدد علاقوں میں پیٹرول کی قلت بھی رپورٹ ہوئی ہے، جس کے باعث شہریوں کو مشکلات کا سامنا ہے۔

جہاں پیٹرول دستیاب ہے وہاں گاڑیوں کی طویل قطاریں لگی ہوئی ہیں اور شہری ایندھن حاصل کرنے کے لیے انتظار میں ہیں۔