انڈونیشیا میں زلزلے سے جانی نقصان پر وزیراعظم کا اظہار افسوس

وزیراعظم پاکستان شہباز شریف نے انڈونیشیا میں شدید زلزلے کے نتیجے میں ہونے والے قیمتی جانوں کے المناک ضیاع اور بڑے پیمانے پر تباہی پر گہرے دکھ اور افسوس کا اظہار کیا ہے۔ سوشل میڈیا پلیٹ فارم ایکس (ٹوئٹر) پر جاری اپنے بیان میں وزیراعظم نے انڈونیشیا کے صدر پرابوو سوبیانتو، حکومت اور متاثرہ خاندانوں سے دلی تعزیت کی۔ شہباز شریف نے کہا کہ اس مشکل اور دردناک گھڑی میں پاکستان اپنے برادر ملک انڈونیشیا کے ساتھ شانہ بشانہ کھڑا ہے، اور متاثرین کی جلد صحت یابی اور صبر و استقامت کے لیے دعا گو ہے۔