پی آئی اے کا کینیڈا اور برطانیہ کی ریل سروسز کے ساتھ تاریخی اشتراک

پاکستان انٹرنیشنل ایئرلائن (پی آئی اے) نے کینیڈا اور برطانیہ کی ریل سروسز کے ساتھ تاریخی ایئر ٹو ریل شراکت داری قائم کر لی ہے، جس کے تحت مسافروں کو ایک ہی ٹکٹ پر ہوائی اور ٹرین سفر کی سہولت فراہم کی جا رہی ہے۔

پی آئی اے کی پرواز کے ذریعے ٹورنٹو پہنچنے والے مسافر کینیڈا کی پارٹنر ایسیس ریل سروس کے ذریعے ملک کے 8 بڑے شہروں تک اپنا سفر جاری رکھ سکیں گے۔
اسی طرح برطانیہ میں مانچسٹر اور لندن جانے والے مسافر ایسیس ریل سروس کے ذریعے 50 سے زائد شہروں تک آسان رسائی حاصل کر سکیں گے۔

پی آئی اے کے مطابق اس سہولت کے تحت مسافر ٹکٹ پی آئی اے کے تمام بکنگ دفاتر، رجسٹرڈ ٹریول ایجنٹس، باضابطہ ویب سائٹ اور موبائل ایپ کے ذریعے حاصل کر سکتے ہیں۔

ترجمان پی آئی اے کا کہنا ہے کہ اس اشتراک کا مقصد مسافروں کو گھر کی دہلیز تک آرام دہ اور مربوط سفری سہولت فراہم کرنا ہے، جس سے وقت کی بچت اور سفر مزید آسان ہو جائے گا۔