نااہلی اور بدعنوانی کے الزامات ثابت ہونے پر سینئر سول جج مردان برطرف

پشاور: پشاور ہائی کورٹ نے سینئر سول جج مردان اعجاز الحق اعوان کو نااہلی اور بدعنوانی کے الزامات ثابت ہونے پر ملازمت سے برطرف کر دیا۔

اعجاز الحق کے خلاف محکمانہ کارروائی خیبرپختونخوا گورنمنٹ سرونٹس ایفیشنسی اینڈ ڈسپلن رولز 2011 کے تحت عمل میں لائی گئی۔ ہائی کورٹ نے اس سلسلے میں شوکاز نوٹس، ذاتی سماعت، سروس ریکارڈ اور کارکردگی رپورٹس کا تفصیلی جائزہ لیا۔

چیف جسٹس پشاور ہائی کورٹ نے انکوائری میں الزامات ثابت ہونے پر فوری برطرفی کی منظوری دے دی اور فیصلے کا نوٹیفکیشن جاری کر دیا گیا۔ متعلقہ اداروں کو بھی اس فیصلے سے آگاہ کر دیا گیا ہے۔