امریکا نے ایران، روس اور چین کے 130 تعلیمی اداروں پر پابندی لگادی

امریکی محکمہ دفاع (پینٹاگون) نے حساس ٹیکنالوجی کے تحفظ کو یقینی بنانے کے لیے ایران، روس اور چین کے 130 تحقیقی اور تعلیمی اداروں پر پابندی عائد کر دی ہے۔ میڈیا رپورٹس کے مطابق پینٹاگون کی جاری کردہ فہرست میں شامل ان اداروں پر حساس ٹیکنالوجی کی غیر مجاز منتقلی کے خدشات ظاہر کیے گئے ہیں۔ امریکی حکام کا کہنا ہے کہ اس اقدام کا بنیادی مقصد ملکی دفاعی ٹیکنالوجی اور حساس تحقیق کی غیر مطلوبہ منتقلی کو روکنا ہے، جس کے تحت اب ان اداروں کو امریکی قوانین کے مطابق مخصوص پابندیوں، فنڈنگ کی بندش اور کڑی نگرانی کے دائرے میں رکھا جائے گا۔