LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز معاشی ترقی کی باگ ڈور نجی شعبے کو دینا ہوگی: مشیر نجکاری محمد علی کراچی: لانڈھی میں گھر کے اندر فائرنگ، خاتون سمیت 3 افراد جاں بحق پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں سعودیہ نے ریاض کے بلند ترین ٹاور متاثر ہونے کی تصدیق کردی سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل

محسن نقوی کی قومی ٹیم سے ملاقات، ٹی 20 ورلڈ کپ کے حوالے سے اصولی موقف سے آگاہ کیا

Web Desk

25 January 2026

چیئرمین پاکستان کرکٹ بورڈ محسن نقوی نے قومی کرکٹ ٹیم کے کھلاڑیوں سے ملاقات کی اور آئی سی سی ٹی ٹوئنٹی ورلڈ کپ کے حوالے سے پاکستان کرکٹ بورڈ کے اصولی مؤقف پر انہیں اعتماد میں لیا۔

اس موقع پر کھلاڑیوں نے چیئرمین پی سی بی کے مؤقف کو سراہتے ہوئے مکمل حمایت کا اظہار کیا۔ محسن نقوی نے پاک آسٹریلیا ٹی ٹوئنٹی سیریز کے لیے قومی ٹیم کو نیک خواہشات پیش کرتے ہوئے کہا کہ پاکستانی کھلاڑی باصلاحیت ہیں اور ہر سطح پر مقابلہ کرنے کی صلاحیت رکھتے ہیں۔

محسن نقوی کا کہنا تھا کہ ورلڈ کپ میں بھارت کے نہ کھیلنے کے معاملے پر بنگلہ دیش کرکٹ بورڈ کا مؤقف اصولوں پر مبنی ہے اور پاکستان کرکٹ بورڈ نے کرکٹ کے سنہری اصولوں کو مدنظر رکھتے ہوئے اس مؤقف کی حمایت کی ہے۔ انہوں نے واضح کیا کہ پی سی بی آئی سی سی کے دوہرے معیار کو مسترد کرتا ہے۔

چیئرمین پی سی بی نے کہا کہ سیاست زدہ کرکٹ کسی کے مفاد میں نہیں، تمام فریقین کو کرکٹ کے اصولوں کے مطابق چلنا چاہیے۔ ان کا کہنا تھا کہ حکومتِ پاکستان جو بھی فیصلہ کرے گی، پی سی بی اس پر من و عن عمل کرے گا۔

ملاقات میں کپتان سلمان علی آغا، ہیڈ کوچ مائیک ہیسن، ٹیم مینجر نوید اکرم چیمہ، عاقب جاوید، چیف آپریٹنگ آفیسر پی سی بی، ڈائریکٹر میڈیا، ڈائریکٹر کمرشل اور دیگر اعلیٰ حکام بھی موجود تھے۔