انٹربینک مارکیٹ میں ڈالر مزید 3 پیسے سستا ہوگیا

انٹربینک مارکیٹ میں روپے کے مقابلے میں امریکی ڈالر کی قدر میں کمی کا سلسلہ جاری ہے، اور کاروباری ہفتے کے پہلے روز ڈالر مزید تین پیسے سستا ہو گیا ہے۔

اسٹیٹ بینک آف پاکستان کے مطابق، کاروباری ہفتے کے پہلے روز انٹربینک مارکیٹ میں امریکی کرنسی کی قیمت میں 3 پیسے کی کمی ریکارڈ کی گئی، جس کے نتیجے میں انٹربینک میں لین دین کے اختتام پر ڈالر 276 روپے 72 پیسے کی سطح پر بند ہوا۔ واضح رہے کہ گزشتہ کاروباری روز انٹربینک میں ڈالر 276 روپے 75 پیسے پر بند ہوا تھا، جس سے پاکستانی روپے کی قدر میں معمولی بہتری دیکھنے میں آئی ہے۔