LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

“ہم جیل میں آئے ہیں یا حج پر؟” ناقص انتظامات پر پاکستانی عازمین پھٹ پڑے

Web Desk

26 May 2026

حج 2026 کے موقع پر پاکستانی حجاج کرام کے لیے کیے گئے انتظامات کا پول کھل گیا۔ منیٰ میں موجود سینکڑوں پاکستانی عازمینِ حج نے سہولیات کی شدید عدم دستیابی اور بدانتظامی پر وفاقی وزیرِ مذہبی امور سردار محمد یوسف کے سامنے شکایات کے انبار لگا دیے اور شدید احتجاج ریکارڈ کرایا۔ غصے سے بپھرے حجاج نے ناقص انتظامات پر وزارتِ مذہبی امور کے خلاف باقاعدہ قانونی کیس دائر کرنے کا بڑا اعلان بھی کر دیا ہے۔

مشن کا جائزہ لینے پہنچنے والے وفاقی وزیر کو حجاج نے گھیر لیا اور اپنے شدید تحفظات کا اظہار کیا۔ عازمین کا کہنا تھا کہ انہوں نے اس مقدس فریضے کے لیے 12، 12 لاکھ روپے ادا کیے ہیں، لیکن یہاں انہیں بالکل بے یار و مددگار اور لاوارث چھوڑ دیا گیا ہے۔

پاکستانی حجاج کرام نے وزیرِ مذہبی امور کے سامنے مکہ اور منیٰ میں درپیش درج ذیل سنگین مسائل کا کٹھا چٹھا کھول کر رکھ دیا:

  • ناقص اور جلا ہوا کھانا: عازمین نے الزام لگایا کہ کیمپوں میں کئی بار جلا ہوا اور ناقابلِ استعمال کھانا فراہم کیا گیا اور شکایت کے باوجود کوئی سننے والا نہیں تھا۔

  • پرسانِ حال نہ ہونا: حجاج کا کہنا تھا کہ “ہمیں یہاں لانے کے بعد کوئی پوچھنے والا نہیں، ہمارا کوئی پرسانِ حال نہیں، ایسا لگتا ہے ہم حج پر نہیں بلکہ کسی جیل میں آ گئے ہیں۔”

  • بیوروکریسی کی ناکامی: عازمین نے وزیر سے تیکھا سوال کیا کہ لاکھوں روپے بٹورنے کے بعد پاکستانی بیوروکریسی اور حج مشن کا عملہ سعودی عرب میں آخر کیا کر رہا ہے؟

حجاج کے شدید احتجاج اور تلخ سوالات پر وفاقی وزیر مذہبی امور سردار محمد یوسف نے صفائیاں پیش کرتے ہوئے انہیں یقین دہانی کرائی کہ وہ ان ناقص انتظامات پر فوری ایکشن لے رہے ہیں اور تمام شکایات کا ازالہ کیا جائے گا۔

تاہم، جب وزیرِ مذہبی امور نے کہا کہ وہ اب ایکشن لیں گے، تو عازمینِ حج مزید برہم ہو گئے اور انہوں نے ترکی بہ ترکی جواب دیتے ہوئے پوچھا:

“آپ کے اب ایکشن لینے کا ہمیں کیا فائدہ؟ جب سب کچھ برباد ہو گیا تو اب ایکشن کیوں؟ پہلے ایکشن کیوں نہیں لیا گیا؟”

اس سوال پر وفاقی وزیر سردار محمد یوسف نے انتہائی مایوس کن جواب دیتے ہوئے کہا کہ “پہلے ہمیں ان مسائل کا معلوم ہی نہیں تھا”۔ وزیر کے اس غیر ذمہ دارانہ جواب پر عازمین نے شدید مایوسی کا اظہار کیا اور کہا کہ حکومت کی اس غفلت نے ان کے اتنے بڑے اور مقدس سفر کا زائقہ خراب کر دیا ہے، جس کا حساب اب عدالت میں لیا جائے گا۔