دبئی میں فضائی دفاعی کارروائی کا ملبہ گرنے سے جاں بحق پاکستانی کی شناخت ہوگئی

دبئی: دبئی میں فضائی دفاعی کارروائی کے دوران گرنے والے ملبے کی زد میں آکر جاں بحق ہونے والے پاکستانی شہری کی شناخت مظفر علی کے نام سے ہو گئی ہے۔

حکام کے مطابق دبئی کے علاقے البرشا میں ہفتہ کی شام فضائی دفاعی کارروائی کے دوران ملبہ گرنے کا واقعہ پیش آیا تھا جس کے نتیجے میں مظفر علی جان کی بازی ہار گیا۔

حکام کا کہنا ہے کہ مظفر علی دبئی میں بطور ڈرائیور کام کر رہا تھا اور اس کا تعلق پاکستان کے صوبہ سندھ سے تھا۔

حکام کے مطابق حالیہ حملوں کے نتیجے میں دبئی میں اب تک چار افراد جان کی بازی ہار چکے ہیں جن میں دو پاکستانی شہری بھی شامل ہیں۔