LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

‘والد کو واپس آنے دیا جائے’، امریکا سے ڈی پورٹ پاکستانی کی بیٹیوں کی درد بھری فریاد

Web Desk

21 January 2026

امریکی ریاست الی نوائے سے ڈی پورٹ کیے گئے پاکستانی شہری آصف امین چیمہ کی بیٹیوں نے اپنے والد کی واپسی کے لیے جذباتی اپیل کردی۔ بیٹیوں کا کہنا ہے کہ ان کے والد امریکا میں قانونی طور پر مقیم تھے اور انہیں جبری طور پر پاکستان بھیجنا ناانصافی ہے۔

شکاگو کے علاقے ہمبولٹ پارک میں ریستوران کے مالک آصف امین چیمہ کی بیٹیوں کے مطابق ان کے والد کو ستمبر میں اس وقت گرفتار کیا گیا جب وہ کام پر جا رہے تھے۔ ان کا کہنا ہے کہ والد کے پاس ورک پرمٹ موجود تھا اور گرین کارڈ کے لیے انٹرویو بھی متوقع تھا۔

اہل خانہ کے مطابق آصف امین کو نومبر میں ڈی پورٹ کیا جانا تھا مگر فلائٹ پر سوار ہونے سے کچھ دیر قبل انہیں دل میں شدید درد کی شکایت ہوئی جس پر انہیں اسپتال منتقل کر دیا گیا۔ بعد ازاں اپیلز کورٹ نے انہیں امریکا میں رہنے کی اجازت دینے سے انکار کر دیا اور یکم جنوری کو انہیں پاکستان ڈی پورٹ کر دیا گیا۔

خاندان کا دعویٰ ہے کہ گرفتاری کے دوران آصف امین کو بروقت دوا بھی نہیں دی گئی، حالانکہ وہ دل کے مریض ہیں۔ اہل خانہ کو اس بات کی شدید تکلیف ہے کہ عشروں پرانا ڈی پورٹیشن حکم نامہ اچانک نافذ کر دیا گیا، جس کے بارے میں انہیں پہلے مکمل آگاہی نہیں تھی۔

آصف کی بیٹی ربیعہ امین نے روتے ہوئے کہا کہ خاندان نے ہمیشہ قانونی راستہ اختیار کیا مگر اس کے باوجود ان کے والد کے ساتھ ناانصافی ہوئی۔ ان کا کہنا تھا کہ والد اپنے بچوں کے بہتر مستقبل کے خواب لے کر امریکا آئے تھے جو اب ٹوٹ چکے ہیں۔

اہل خانہ کو امید ہے کہ جج اس کیس کا دوبارہ جائزہ لیں گے تاکہ بچھڑا ہوا خاندان ایک بار پھر امریکا میں اکٹھا رہ سکے۔