اسحاق ڈار مصر پہنچ گئے، علاقائی وزرائے خارجہ اجلاس میں شرکت کریں گے

قاہرہ پہنچنے پر مصری معاون وزیر خارجہ اور مصر میں پاکستان کے سفیر نے نائب وزیراعظم و وزیر خارجہ اسحاق ڈار کا پرتپاک استقبال کیا۔ ترجمان دفتر خارجہ کے مطابق، اسحاق ڈار قاہرہ میں 21 جون کو منعقد ہونے والے علاقائی وزرائے خارجہ کے اہم اجلاس میں پاکستان کی نمائندگی کریں گے۔ اس اہم دورے کے دوران وہ اجلاس کی سائیڈ لائنز پر اپنے مختلف ہم منصب وزرائے خارجہ سے دوطرفہ ملاقاتیں بھی کریں گے، جن میں باہمی دلچسپی کے امور اور علاقائی سکیورٹی کی صورتحال پر تبادلہ خیال کیا جائے گا۔