ملکی معیشت کے لیے خطرے کی گھنٹی: فروری میں برآمدات میں 25 فیصد سے زائد کی بڑی کمی

ادارہ شماریات نے فروری 2026ء کے تجارتی اعداد و شمار جاری کر دیے ہیں، جو ملکی برآمدی شعبے کی ابتر صورتحال کی عکاسی کرتے ہیں۔ رپورٹ کے مطابق فروری میں برآمدات میں سالانہ بنیادوں پر 25.6 فیصد کی بڑی کمی دیکھی گئی، جس کے بعد برآمدی حجم محض 2 ارب 27 کروڑ ڈالر رہ گیا۔ تشویشناک بات یہ ہے کہ رواں مالی سال کے پہلے 8 ماہ میں مجموعی تجارتی خسارہ 25 فیصد اضافے کے ساتھ 25 ارب 4 کروڑ ڈالر تک پہنچ گیا ہے، جو زرمبادلہ کے ذخائر پر دباؤ کا باعث بن سکتا ہے۔