پاکستان سٹاک مارکیٹ میں کاروبار کا مثبت زون میں آغاز

اکستان سٹاک ایکسچینج (پی ایس ایکس) میں مثبت رجحان اور تیزی کا سلسلہ برقرار ہے۔ کاروباری ہفتے کے پانچویں اور آخری روز کاروبار کا آغاز ہوتے ہی مارکیٹ میں زبردست تیزی دیکھنے میں آئی۔

ابتدائی سیشن کے دوران ہنڈرڈ انڈیکس میں 500 سے زائد پوائنٹس کا اضافہ ریکارڈ کیا گیا، جس کے بعد پاکستان سٹاک مارکیٹ میں انڈیکس ایک لاکھ 85 ہزار 116 پوائنٹس کی نئی بلندی پر پہنچ گیا۔

واضح رہے کہ گزشتہ کاروباری دن کے اختتام پر مارکیٹ میں ملا جلا رجحان دیکھا گیا تھا اور ہنڈرڈ انڈیکس ایک لاکھ 84 ہزار 520 پوائنٹس کی سطح پر بند ہوا تھا۔ تاہم، آج صبح سے ہی سرمایہ کاروں کی جانب سے مثبت سرگرمیوں اور خریداری کے باعث انڈیکس نے ایک نیا سنگِ میل عبور کر لیا ہے۔